Сабақ тақырыбы:

  «Оқыту үшін бағалау  - оқыту мен оқу сапасын жақсартатын құрал.»

Мақсат:

Бағалау туралы заманауи түсінікті беру, формативті мен жиынтық бағалауддың айырмашылығын түсіндіру, мұғалімдерге оқыту үшін бағалаудың мәні мен маңыздылығын ұғындыру.

Сілтеме:

Мұғалімдерге  арналған  нұсқаулық 109-115  бет

Оқу нәтижесі:

Коучинг барысында мұғалімдер бағалау үшін табыс критерилерін құрастыруға үйренеді; бағалаудың екі түрін ажыратады, оқыту үшін бағалау – оқыту мен оқу сапасын жақсартатын құрал екенін түсінеді.

Негізгі идеялар:

Оқыту үшін бағалау – оқушылар өздерінің оқудың қандай сатысында тұрғанын, қандай бағытта даму керек және қажетті деңгейге қалай жету керек екендігін анықтау үшін оқушылар мен мұғалімдер қолданатынмәліметтерді іздеу және түсіндіру үдерісі,  оқыту мен оқу сапасын жақсартатын құрал.

Сабақта қолданылатын материалдар:

Интербелсенді тақта, бейнеролик, таныстырылым;

флипчарт, А4 парақтары, стикер, маркер, 6 қалпақ

Оқыту әдістері:

 Диалог, «Ой қозғау», «Арқаға жазылған комплименттер»  тренингі;

өзін – өзі бағалау үшін «Баспалдақ» тренингі, бірлесе «Гүл шоғын» жасау,бағалау; флипчарт жасау,қорғау;

Эдвард де Бононың «6 қалпақ» әдісі; жеке, жұптық жұмыс, топтық жұмыс;

Дереккөздері:

Мұғалімге арналған нұсқаулық, 104-110 бет. Екінші (орта) деңгей. Екінші басылым. (2012) Астана «Назарбаев зияткерлік мектебі» ДББҰ

А. Қ. Әлімов «Интербелсенді әдістемені ЖОО-да қолдану мәселелері» оқу құралы (2013) Алматы

Тапсырмалар:

«Өзін-өзі бағалау» ойсергегін өткізу;

«Бағалау» терминінің  мағынасын, олардың ерекшеліктері мен мазмұнын ажырату;

Бағалау тәсілдері мен түрлерін атау;

А4 парақтарынан «Гүл шоғын» жасау, бағалау;

Power Point таныстырылымын көру,«Қос жазба» жүргізу;

«Ойлан, жұптас, пікірлес» критерий құрастыру;

«Алты қалпақпен» рефлексия жасау;

«Екі жұлдыз, бір тілек» арқылы кері байланысқа түсу.